Solar Orbiter kosmik apparati Quyoshda X sinfiga mansub bir qator oʻta kuchli chaqnashlarni qayd etdi. Ushbu hodisalar yoritqichning orqa tomonida sodir boʻlgani sababli, ularning taʼsiri Yerga yoʻnaltirilmagan. Bu haqda Ixbt.com xabar beradi.
U yerda shakllangan faol hudud allaqachon uchta yirik chaqnashni amalga oshirdi. Ularning energiyasi sayyoralar deyarli boʻlmagan hududga yoʻnaltirilgan boʻlib, asosiy zarba Merkuriyga toʻgʻri keldi.
Kuzatuv maʼlumotlariga koʻra, chaqnashlar quyosh dogʻlari guruhining oʻzini qisman vayron qilgan. Shu sababli, hudud Yerga «oʻgirilgunga» qadar uning faolligi pasayishi mumkin.
Bu holat yaqin kunlarda sayyoramizda kuchli geomagnit effektlar yuzaga kelish ehtimolini kamaytiradi. Olimlar hududni kuzatishda davom etmoqda: dam olish kunlariga kelib u Yerdan koʻrinadigan boʻladi va oʻshanda kosmik ob-havo xavfi saqlanib qoladimi yoki yoʻqmi, aniqlik kiritiladi.
“Zamin”ni Telegramʻda oʻqing!
