«Netsafe» kompaniyasi mutaxassislari internet firibgarlarni jinoyatdan qaytara oluvchi dastur yaratishdi…

Bu dastur sun’iy intellektga ega bot ko‘rinishida yaratildi. Uning vazifasi internet orqali firib yo‘li bilan ko‘pchilikni qaqshatayotgan jinoyatchilarni yomon yo‘ldan qaytarishdir.

U o‘zining so‘ngsiz savollari bilan firibgarni shu qadar boplab chalg‘itadiki, amalga oshirajak navbatdagi jinoyatini unutib, sun’iy intellektning savollariga javob berish bilan band bo‘lib qoladi. Shubhasiz, savollar ham firibgarni qiziqtira oladigan ko‘rinishda o‘ylab topilgan.

Buning uchun siz firibgarning internet aloqa pochtasi nomini «Re: scam» deb nomlangan botga yuborsangiz bas, uning o‘zi mustaqil tarzda shu aloqa qutisiga kirib, savol-javobni boshlab yuboradi.
Mutaxassislarning aytishicha, dastur kelgusida yuzlab firibgarlarni yomon yo‘ldan qaytaradi. “Zamin”ni Telegramʻda oʻqing!