Foto: Super Food
Shifokorlarning ma’lum qilishicha, faqat bitta va eng foydali sabzavotni tanlash kerak bo‘lsa, unda bu brokkoli bo‘lar edi. Birinchidan, bu sabzavot antioksidant, Ye vitamini, kaliy, kletchatka va magniyga boy. Ushbu vitamin va minerallar qon bosimini pasaytirishga, qonda shakar miqdorini me’yorda saqlashga yordam beradi va hatto saratonning ayrim shakllari xavfini kamaytiradi, deb yozadi «Noviy ochag».
Ammo brokkolining foydalari shu bilan tugamaydi — Journal of Functional Foods jurnalida chop etilgan yaqinda o‘tkazilgan tadqiqot bu sabzavot ichaklar uchun ajoyib xaloskor bo‘lishi mumkinligini tasdiqladi.
Brokkolining qanday foydali xususiyatlari bor?
Tadqiqot mualliflari, Pensilvaniya universiteti olimlari tajriba uchun sichqonlarining oddiy ratsioniga brokkoli qo‘shib, kuzatishni boshladi. Natijada, sabzavotni muntazam iste’mol qilgan hayvonlarda turli xil ichak kasalliklari — birinchi navbatda, kolit va ta’sirlangan ichak sindromi belgilari sezilarli darajada kamayganligi ma’lum bo‘ldi. Tadqiqot mualliflarining brokkoli odamlarga bir xil ta’sir ko‘rsatishi va oxir-oqibatda ma’lum ichak kasalliklaridan aziyat chekayotganlarga yordam berishiga ishonchi komil.
Ammo brokkolining siri nimada? Tadqiqot mualliflarining aytishicha, brokkoli me’dada indolokarbazol (ICZ) kabi boshqa birikmalarga parchalanadigan indol glyukozinolatlar deb ataladigan organik kimyoviy moddalarni o‘z ichiga oladi. ICZ ichak bakteriyalarining sog‘lom saqlashga yordam beradi, bu Kron kasalligi va saratonning ayrim turlari kabi ichak shilliq qavatining yallig‘lanishi natijasida kelib chiqadigan kasalliklarning oldini olishga yordam beradi.
Brokkolini qancha iste’mol qilish kerak?
Tadqiqot egalari ichaklarga yordam berish uchun kuniga uch marta brokkoli iste’mol qilishni tavsiya qiladi. Ammo brokkolini yoqtirmaydiganlar uning o‘rniga Bryussel karamlarini tanovul qilish mumkin: u brokkolidan uch baravar ko‘p ICZ’ga ega, ya’ni kuniga bir porsiya karam ichak muammolari uchun kifoya qiladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Zelenskiy Putin borasida bayonot berdi: “Tinchlikni istaganlar yuziga tupurmoqda”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
