Semirib ketish – bu tanadagi g‘ayritabiiy vazn ortishi bo‘lib, bu holat organizmdagi ko‘plab tizimlarning ishlashiga salbiy ta’sir ko‘rsatishi mumkin. Vazn ortishi nafaqat tashqi ko‘rinishga, balki ichki organlarning sog‘lig‘iga ham jiddiy zarar yetkazadi. Semizlikning birinchi va eng katta xavfi – bu organizmda turli kasalliklarning rivojlanishiga olib kelishi. Masalan, semirib ketish diabet, yuqori qon bosimi, yurak kasalliklari va insult kabi xavfli kasalliklarni yuzaga keltirishi mumkin. Bularning barchasi organizmning normal faoliyatini buzadi va uzoq muddatda salomatlikka katta tahdid soladi.
Semizlik nafas olish tizimiga ham salbiy ta’sir ko‘rsatadi. Yog‘lar nafas olish jarayonini qiyinlashtirishi mumkin, bu esa nafas qisishishi va uyquda nafas olish muammolarini keltirib chiqaradi. Vazn ortishi, shuningdek, harakatlanishda qiyinchiliklarga olib keladi. Oyoq og‘rig‘i va bo‘g‘imlarda og‘riqlarni keltirib chiqarishi mumkin, bu holat esa vaqt o‘tishi bilan, oyoqlarda artrit yoki boshqa kasalliklarning rivojlanishiga sabab bo‘ladi.
Shuningdek, tadqiqotlar shuni ko‘rsatadiki, ortiqcha yog‘ massasi gormon tizimiga ham salbiy ta’sir qiladi. Ayollar va erkaklar jinsiy tizimlari gormonlar ta’siridan eng ko‘p zarar ko‘radi. Erkaklarda semirish, ayniqsa qorin bo‘shlig‘i atrofidagi yog‘lar, testosteron ishlab chiqarishiga salbiy ta’sir qilishi mumkin. Ayollarda esa, ortiqcha yog‘lar reproduktiv tizimga ta’sir qilishi, shuningdek, gormonal muvozanatni buzishi mumkin. Homilador ayollar uchun semirib ketish ham xavfli, chunki homiladorlikning dastlabki bosqichlarida ortiqcha vazn chaqaloqqa ham zarar yetkazishi mumkin.
“Zamin”ni Telegramʻda oʻqing!
