Bodring yoz mavsumida eng ko‘p iste’mol qilinadigan sabzavotlardan biri hisoblanadi. U tarkibining katta qismi suvdan iborat bo‘lgani sabab organizmni suyuqlik bilan ta’minlashga yordam beradi. Mutaxassislar bodring past kaloriyali mahsulot ekanini ham ta’kidlamoqda.
Bodring tarkibida kaliy, magniy va bir qator vitaminlar mavjud. Shu sabab u organizmdagi suv muvozanatini saqlash, ovqat hazm qilishni yaxshilash va teri salomatligini qo‘llab-quvvatlashga foyda berishi mumkin. Ayrim mutaxassislar bodringni yozgi issiq kunlarda organizmni tetiklashtiruvchi mahsulot sifatida tavsiya qiladi.
Biroq bodring hamma uchun birdek foydali emasligi aytilmoqda. Oshqozon-ichak tizimida muammosi bor ayrim insonlarda uni ortiqcha iste’mol qilish dam bo‘lishi yoki noqulaylik keltirib chiqarishi mumkin. Shuningdek, tuzlangan bodringni ko‘p yeyish organizmda ortiqcha tuz yig‘ilishiga sabab bo‘lishi ehtimoli bor.
“Zamin”ni Telegramʻda oʻqing!
