Shifokorlar ilk bora “kapalak” bolaning teri genlarini o’zgartirib, davolashga erishdilar

Xabar berilishicha, Gemaniyalik shifokorlar suriyalik bolakaydagi o’ta noyob bo’lmish irsiy teri kasalligini davolashga erishdilar. Tibbiyot vakillari bola terisini 80% qismi ko’chirib o’tkazishgan.

Bolakay chalingan bullyoz epidermoliz hastaligida inson terisi o’ta nozik va infeksiyalarga nisbatan behad ta’sirchan bo’lib qoladi. Dunyo bo’yicha ushbu kasallikdan 500000 nafar odam aziyat chekadi. Ularning 40% i esa o’smirlik yoshiga ham yeta olmay, vafot etishadi.

Shifokorlar bolani davolashdan avval natijaning muvaffaqiyatli bo’lishiga 50% imkon bor ekanligi haqida bilishgan.

Bolakayni davolash uchun uning shikastlangan terisi o’lchamlariga mos teri bo’laklari o’stirilgan. Italiyalik shifokor Luka esa o’z laboratoriyasida teri to’qimalarini modernizatsiya qilish ishlari bilan shug’ullangan.

Teri bo’lakchalari Germaniyaga keltirilgach, ikkita operatsiya davomida bola tanasining jarohatlangan yerlariga qo’yib chiqildi. Ayni paytda bola o’zini yaxshi his qilayotgan bo’lsa ham, shifokorlar uni nazorat qilishdan to’xtaganlari yo’q. Ushbu operatsiya mazkur usulni boshqa bemorlarda qo’llab ko’rishga ham imkon yaratadi.
“Zamin” yangiliklarini “Telegram”da kuzatib boring