Gruziyalik shifokorlar bemor ayol qornidan 25 yil avval qolib ketgan pinsetni chiqarib olishdi

Gruziyalik shifokorlar hamkasblari tomonidan chorak ase avval bemor ayol qornida unutib qoldirilgan pinsetni operatsiya yo’li bilan olib tashladilar.

Xabarda aytilishicha, ayol shifoxonaga mutlaqo boshqa mazmundagi shikoyat bilan kelgan.

Shifoxona onkoxirurgi Irakliy Toduaning aytishicha, pinset operatsiya oldidan o’tkazilgan kompyuter tomografiyasi jarayonida topib olingan. Ayol esa shifoxonaga o’t qopiga oid shikoyatlar bilan kelgan.

Ayni paytda bemorning ahvoli yaxshi ekanligi aytilmoqda. Shifokorlar esa ushbu hodisada hayratlanarli jihat yo’qlishi, pinsetni umuman olib tashlamaslik ham mumkin bo’lganini qo’shimcha qilganlar.
“Zamin”ni Telegramʻda oʻqing!