Xotira va qadrlash kunida necha kun dam olamiz?
O'zbekistonda 9 may - Xotira va qadrlash kuni munosabati bilan, haftasiga 5 kun ishlaydigan xodimlar 3 kun dam olishadi. 2026 yilgi prezident farmoniga ko'ra, 9 may shanba dam olish kuniga to'g'ri kelgani sababli, bu kun 11 may, dushanbaga ko'chiriladi. Shunday qilib, xodimlar 9, 10 va 11 may kunlari dam olishadi.
Oʻzbekistonda 9 may — Xotira va qadrlash kuni munosabati bilan haftasiga 5 kun faoliyat yuritadigan xodimlar ketma-ket 3 kun dam oladi.
2026 yilda rasmiy sanalarni nishonlash davrida qoʻshimcha ishlanmaydigan kunlarni belgilash hamda dam olish kunlarini koʻchirish haqidagi prezident farmoniga koʻra, joriy yilda 9 may shanba — dam olish kuniga toʻgʻri kelgani sababli ushbu dam olish kuni 11 may, dushanbaga koʻchirilishi belgilangan.
Shu munosabat bilan quyidagi sanalarda dam olinadi:
- 9 may, shanba — odatiy dam kuni;
- 10 may, yakshanba — anʼanaviy dam olish kuni;
- 11 may, dushanba — Xotira va qadrlash kuni munosabati bilan koʻchirilgan dam kuni.
Yaʼni haftasiga 5 kun ishlaydigan xodimlar uzluksiz 3 kun, haftasiga 6 kun mehnat qiladiganlar esa ketma-ket 2 kun hordiq chiqaradi.
Mehnat kodeksida ham dam olish kuni ishlanmaydigan bayram sanasiga toʻgʻri kelgan holatda, dam kuni bayramdan keyingi ish kuniga koʻchirilishi belgilab qoʻyilgan.
Izohlar 0
…