Binance Ўзбекистонда иш бошлайди

Истиқболли лойиҳалар миллий агентлиги “Binance” крипто-биржаси билан Ўзбекистонда мижозларга хизмат кўрсатиш бўйича келишувга эришганини эълон қилди. Бу ҳақда агентлик матбуот хизмати маълум қилди.

Маълумотларга кўра, “Binance” Ўзбекистонда фаолиятини белгиланган тартибда "CoinPay" маҳаллий биржаси орқали бошлайди. Ўзбекистон резидентлари ушбу платформага тегишли ресурслар орқали “Binance” хизматларига кириш имконига эга бўлишади.

Тизимни ишга тушириш миллий тўлов тизимлари ва ҳамкорлар платформаларининг барча модуллари муваффақиятли интеграциялашганидан сўнг амалга оширилиши режалаштирилган.