Ўзбекистонда Тошкент – Андижон йўналишида пуллик тезкор автомагистрал барпо этилади. Ушбу йўл икки шаҳар орасидаги сафар вақтини 5 соатдан 3 соатгача қисқартиради.
3-февраль куни Президент Шавкат Мирзиёев йирик транспорт инфратузилмаси лойиҳалари, жумладан, Тошкент – Андижон йўналишидаги муқобил автомобиль йўлининг қурилиши бўйича ҳисобот билан танишди.
Лойиҳа Жаҳон банки кўмагида ишлаб чиқилган бўлиб, магистралнинг умумий узунлиги 314 километрни ташкил этади. Янги йўл фақат тезликни ошириш билан чекланмай, балки мамлакатнинг ялпи ички маҳсулотини 2,6 % га ошириш ва йўл-транспорт ҳодисаларини 40 % га камайтиришга ҳам хизмат қилади.
Лойиҳани амалга ошириш доирасида халқаро тендер эълон қилинди ва у етакчи хорижий компанияларнинг қизиқишига сабаб бўлди.
Мажлисда фақат ушбу йўл эмас, балки бошқа муқобил магистраллар ҳам муҳокама қилинди. Президент Транспорт вазирлигига тирбанд йўналишларда янги йўллар қуриш, йўлларнинг сифатини яхшилаш ва пуллик хизматларни жорий этиш бўйича қўшимча лойиҳалар ишлаб чиқишни топширди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
