Тошкентнинг икки туманида газ вақтинча ўчирилади

2 апрель куни Тошкент шаҳрининг Сергели ва Янгиҳаёт туманларидаги айрим ҳудудларда газ таъминоти вақтинча тўхтатилади, деб nova24.uz хабар берди.

«Ҳудудгазтаъминот» матбуот хизматининг маълум қилишича, газ таъминоти режали таъмирлаш ишлари туфайли соат 14:00 дан 17:00 гача чекланади.

Қуйидаги маҳаллаларда газ ўчирилади:

Сергели тумани: «Жунарик» маҳаллалси, Чоштепа ва Жунарик кўчалари — 580 та хусусий хўжалик ва 13 та йирик истеъмолчи;

Янгиҳаёт тумани: Чоштепа кўчаси — 435 та хонадон ва 2 та кўп қаватли уй, 17 та йирик истеъмолчи.

Аввалроқ президент томонидан газсиз хонадонлар учун имтиёзли тариф жорий этилиши ҳақида топшириқ берилган эди. “Замин” янгиликларини “Telegram”да кузатиб боринг