205
Ўзбекистон Президенти Шавкат Мирзиёев ҳудудларнинг туристик салоҳиятини ривожлантириш бўйича йиғилишда Хоразм, Бухоро, Қашқадарё ва Сурхондарё вилоятларидаги магистрал ва ички йўлларнинг ҳолатидан туристлар норози эканлигини таъкидлади.
У кўплаб ҳокимлар туризмнинг аҳамиятини тўлиқ англаб етмаётганини қайд этиб, "туристик ҳалқа"га кирувчи йўлларни таъмирлаш зарурлигини билдирди. Шунингдек, президент капсул меҳмонхоналарни қуриш ва жиҳозлаш учун Туризм жамғармасидан 10 млн сўмгача субсидия ажратилишини маълум қилди.
Унинг таъкидлашича, туристик мавсум бошланганига қарамай, бундай меҳмонхоналар фақатгина Қибрайда очилган, бошқа ҳудудлар ҳокимлари эса ҳали ҳам ҳаракатсиз қолмоқда.
13:10, 4-04-2025
