WeChat ва Alipay Ўзбекистондаги тўлов тизимларига қўшилади

Хитойнинг WeChat ва Alipay тўлов тизимлари Ўзбекистоннинг миллий тўлов тизимлари билан интеграция қилиниши мумкин. Бу ҳақда Ўзбекистон Марказий банкида ўтказилган матбуот анжуманида Тўлов тизимлари департаменти директори ўринбосари Миразиз Мирҳаётов маълум қилди, деб Kursiv Media хабар берди.

Унинг сўзларига кўра, интеграция бўйича техник музокаралар бошланган ва яқин вақт ичида якунланиши мумкин.

"Ҳозирги пайтда муҳокама қилинмоқдаки, биринчи босқичда хорижий туристлар Ўзбекистонга келганида харидларни бемалол тўлаш имкониятига эга бўлишлари мумкин. Иккинчи босқичда эса, Ўзбекистон фуқаролари Хитойга сафар қилганда миллий тўлов тизимларидан фойдаланишлари мумкин", — деди у.

WeChat Alipay Ўзбекистон Марказий банки Миразиз Мирҳаётов