Тошкентда аттракционларсиз илк жамоат боғи очилади

Тошкентда илк аттракцион ва савдо нуқталарисиз жамоат боғи очилади, деб nova24.uz хабар берди.

Минэкология маълумотига кўра, боғ 2025 йил баҳорида фойдаланишга топширилади. Янги экологик майдон Юнусобод туманида, аввал ташландиқ бўлган 7,5 гектар ерда ташкил этилмоқда.

Мазкур ҳудудда 1,2 мингдан ортиқ дарахт ва 23 минг буталар экилган. Дарахтлар турли фаслларда гуллайди. Боғда ясин, клён, дуб ва япон софораси каби турлар учрайди. Марказий нуқта эса 100 дан ортиқ навли розалар боғи бўлади.

Боғда аттракцион ва тижорат объектлари бўлмайди. Қушлар учун инлар, сунъий кўл, қуёш энергиясида ишлайдиган сув ҳавзаси ташкил этилади. Йўллар тош билан, ўриндиқлар эса ёғочдан ясалади. Чиқиндилар фақат кириш-чиқишдаги махсус контейнерларда йиғилади.

Концепция Европа ва Япония тажрибасига асосланган. Боғ очиқ ва бепул бўлади. «Замин»ни Telegram’да ўқинг!