Ўзбекистон енгил атлетикада Осиё чемпионатида 2-ўринни олди

18 ёшгача бўлган спортчилар ўртасида бўлиб ўтган енгил атлетика бўйича U18 Осиё чемпионатида Ўзбекистон терма жамоаси умумжамоа ҳисобида иккинчи ўринни эгаллади, деб хабар берди Ўзбекистон енгил атлетика федерацияси.

Спортчиларимиз 3 та олтин, 5 та кумуш ва 4 та бронза медалларини қўлга киритган ҳолда жами 12 та медаль билан иштирокни якунлади. Бу натижа Ўзбекистон терма жамоаси тарихидаги энг яхши кўрсаткич сифатида қайд этилди.

Аввалги энг юқори натижа 2022 йилда Қувайтда қайд этилган бўлиб, ўшанда терма жамоамиз учинчи ўринни эгаллаган, 2023 йилда Тошкентда ўтган мусобақада эса тўртинчи ўринга чиққан эди.

Спортчилар ва мураббийларни ушбу юқори натижа билан табриклаймиз!