2022–2025 йилларда фаол компаниялар сони 100 мингга камайди

Сўнгги уч йилда Ўзбекистонда фаолият юритаётган компаниялар сони сезиларли даражада камайди, деб хабар берди UPL.uz. 2022 йилда 542 672 та компания фаолият юритган бўлса, 2025 йил апрелига келиб, бу кўрсаткич 442 402 тага тушди. Бу эса 100 мингга яқин юридик шахсларнинг йўқолганини англатади.

Энг катта камайиш саноат (38%) ва қурилиш (37%) соҳаларида кузатилди. Деярли барча иқтисодий соҳаларда пасайиш қайд этилган, фақатгина соғлиқни сақлаш ва ижтимоий хизматлар соҳасида 16% ўсиш кузатилган.

Қизиғи шундаки, корхоналар сони камайишига қарамай, маҳсулот ва хизматлар ҳажми ошган. Масалан, 2022 йил биринчи чорагида 92 064 та саноат корхонаси 114 трлн сўмлик маҳсулот ишлаб чиқарган бўлса, 2025 йилда 56 321 та корхона 211 трлн сўмлик маҳсулот ишлаб чиқарган. «Замин»ни Telegram’да ўқинг!