Имтиёзли кредитлар 10 дақиқада расмийлаштирилмоқда

Ўзбекистонда рақамлаштириш туфайли имтиёзли кредитлар расмийлаштириш муддати 3 кундан 10 дақиқагача қисқартирилди, деб kursiv.media сайти хабар берди.

Банк сектори вакиллари Олий Мажлис Қонунчилик палатаси депутатларига маълум қилишича, ҳужжатларни автоматик текшириш ва онлайн хизматларни ривожлантириш туфайли кредит бериш жараёни шаффофлашган ва коррупция имкониятлари камайган.

Шу билан бирга, депутатлар ҳужжатларни сохталаштириш, имтиёзли кредитларни ўзлаштириш ва мақсадсиз сарфлаш, ноқонуний талаб ва тўловлар юзасидан ҳолатларни қайд этдилар. Бу муаммоли кредитлар улушининг ошишига сабаб бўлмоқда.

2024 йилда Ҳисоб палатаси 6 та тижорат банкларини текширган. 858 млрд сўмлик имтиёзли кредитлардан 140 млрд сўм муаммоли деб топилган. Шунингдек, 176 млрд сўм маблағ корхоналар ҳисобларига туширилмаган.

Оилавий тадбиркорлик дастурларида муаммоли кредитлар ҳажми 1,7 трлн сўмга етган. Қолаверса, ҳуқуқни муҳофаза қилувчи органлар томонидан 127 млрд сўмлик талон-тарож ҳолатлари аниқланган.

Депутатлар банкларни рақамлаштиришни давом эттиришга, молиячилар esa коррупцияга қарши халқаро тажрибани ўрганиб, сунъий интеллектни жорий этишга чақирдилар. «Замин»ни Telegram’да ўқинг!