Ўзбекистон ва Россия авиарейслар сонини ошириш ва парвозлар географиясини кенгайтиришга келишиб олди, деб Kursiv.uz хабар берди. Жами авиакомпанияларга ҳафтасига 1000 дан ортиқ рейс амалга ошириш ҳуқуқи берилди.
Жорий йил июль ойи охирига қадар, мунтазам рейслар сони ҳафтасига 310 тани ташкил этади.
Ўзбекистон ва Россия авиакомпанияларига Тошкент–Москва йўналишида ҳафтасига 50 тадан рейс амалга ошириш ҳуқуқи берилди. Самарқанд–Москва оралиғида ҳафтасига 23 тадан, Термиздан Россия пойтахтига ҳафтасига 10 тадан рейслар белгиланди.
Шунингдек, Ўзбекистон ва Россия авиакомпаниялари Тошкент–Санкт-Петербург, Тошкент–Красноярск ва Тошкент–Сочи йўналишларида ҳафтасига 14 тадан рейс бажариши мумкин.
Бундан ташқари, Россия авиакомпаниялари 80 та халқаро аэропортдан Ўзбекистондаги барча халқаро аэропортларга ҳафтасига 7 тадан рейс амалга ошириш ҳуқуқига эга бўлди.
Ўзбекистонлик авиакомпаниялар учун эса Россиянинг 29 та йирик аэропорти очиқлиги қайд этилди.
«Замин»ни Telegram’да ўқинг!
