Тошкент–Чорвоқ йўналишида янги йўл қурилади

Тошкент–Чорвоқ йўналишида янги автомобил йўли қурилади, деб Uz24.uz хабар берди.

Транспорт вазири Илҳом Маҳкамов O‘zbekiston24 телеканалига берган интервьюсида, Тошкентдан Чорвоққа янги автомобиль йўли қуриш лойиҳаси тақдим этилганини маълум қилди.

Вазирга кўра, “Чорвоқ–Чимён” рекреацион зонаси муҳум туризм йўналишига айланган ва бу ҳудудга катта инвестициялар йўналтирилмоқда. Мавжуд йўлда тирбандлик кузатилмоқда, бу эса янги ечим талаб қилади.

Президент томонидан Тошкент–Чорвоқ автомобиль йўли қурилиши бўйича қарор қабул қилинган. Дастлабки концепция ишлаб чиқилган ва қурилиш тендер асосида, илғор компаниялар иштирокида, давлат-хусусий шериклик шаклида амалга оширилади.

Вазир сўзларига кўра, янги йўл қурилиши мавжуд йўлга таъсир қилмайди ва транспорт оқимини енгиллаштиради. Мавжуд инфратузилмага зарар етказилмайди.

Нодирбек Раззоков

«ЗАМИН.УЗ» муҳаррири