Ўзбекистон спецнази сентябрь ойида Азербайжонда бўлиб ўтадиган “Чексиз биродарлик” ҳарбий машғулотларида қатнашади. Бу ҳақда Kursiv.media хабар берди.
Манёврларда Қозоғистон, Туркия, Қатар ва Покистон ҳарбийлари ҳам қатнашиши кутилмоқда. Азербайжон Бош штаби раҳбари Керим Велиев маълум қилишича, фақат шу йилнинг ўзида мамлакатда 30 та ҳарбий машқ ўтказилиши режалаштирилган.
Global Firepower рейтингига кўра, Азербайжон армияси 2025 йилда 60-ўринни эгаллаган. Мамлакатда 126 мингдан зиёд аскар хизмат қилади, қуролланишда эса 300 дан ортиқ танк ва 80 та самолёт мавжуд.
Ўзбекистон армияси эса шу рейтингда 58-ўринда туриб, мудофаа харажатлари $2,8 млрдни ташкил этмоқда. Қуролли кучларда 48 минг ҳарбий хизматчи фаолият юритмоқда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
