Ўзбекистонда она сути ўрнини босувчи маҳсулотлар рекламасини чеклаш ва болалар озуқа маҳсулотларини ишлаб чиқариш, импорт, сақлаш ҳамда сотиш талабларини кучайтириш таклифи берилди, деб Kursiv.media хабар берди. Бу таклиф Президент Шавкат Мирзиёев иштирокидаги тақдимотда билдирилди.
Ушбу чоралар "эксклюзив эмизишни" ривожлантиришга қаратилган миллий дастур доирасида амалга оширилади. Дастур доирасида 2030 йилга қадар 6 ойгача болаларни фақат она сути билан озиқлантириш даражасини 70%га етказиш мақсад қилинган. Бу кўрсаткич Жаҳон соғлиқни сақлаш ташкилоти тавсиясига мос.
Дастур доирасида ЖССТ ва ЮНИСЕФнинг “Болаларга дўстона шифохона” ва “Эмизишда 10 қадам” ташаббуслари жорий этилади. Шифокорлар маслаҳат бериш бўйича ўқитилади, ҳомиладор ва эмизикли аёллар учун таълим дастурлари ташкил этилади.
«Замин»ни Telegram’да ўқинг!
