Ўзбекистонда гўшт ва сут нархлари кескин ошмоқда

Ўзбекистонда аҳоли орасида сезилган инфляция даражалари бўйича турли кўрсаткичлар кузатилмоқда. Хусусан, ойлик даромади 2 миллион сўмдан 4 миллион сўмгача бўлган фуқаролар инфляцияни энг паст даражада — 10,5 фоиз сифатида ҳис қилган.

Шу билан бирга, даромади 30 миллион сўмдан юқори бўлган аҳоли қатлами охирги 12 ой давомида нарх-наво 14,7 фоизга қимматлашганини билдирмоқда. Айниқса, гўшт ва сут маҳсулотлари нархидаги ўсиш кўпчилик томонидан кучлироқ сезилаётгани айтилмоқда.

Ҳудудлар кесимида эса сезилган инфляциянинг энг юқори кўрсаткичи Қашқадарё вилоятида қайд этилган бўлиб, у 12,9 фоизни ташкил қилган. Бу эса аҳоли кундалик истеъмол маҳсулотлари нархидаги ўзгаришларни янада яққолроқ ҳис қилаётганини кўрсатмоқда.

Aziza Shukhratova

«ZAMIN.UZ» муҳаррири

+ Zamin.uz сайтини Googleга қўшинг