13 октябрь куни соат 09:00 да Тошкент шаҳрида ҳаводаги PM2.5 заррачалар миқдори меъёрдан кескин ошган. Автоматик мониторинг станциялари маълумотларига кўра, уларнинг концентрацияси 88,37 мкг/м³ бўлиб, бу СаНПиН 0053-23 меъёридан 2,5 баробар кўп.
Шу билан бирга, PM10 заррачалари меъёрда (281,4 мкг/м³) ҳамда автотранспорт ва саноат корхоналари чиқарадиган углерод оксиди ҳам хавфсиз миқдорда (0,49 мг/м³) экани қайд этилган, деб ёзмоқда Upl.uz сайти.
IQAir халқаро экологик сайти маълумотига кўра, Тошкент дунёда ҳавоси энг ифлос шаҳарлар рўйхатида 4-ўринни эгаллади, унинг ифлосланиш индекси 162 пунктни ташкил этган — бу соғлиққа зарарли даража сифатида баҳоланади.
Рейтингда Тошкентдан олдин қуйидаги шаҳарлар жой олган:
* Деҳли (Ҳиндистон)
* Лаҳор (Покистон)
* Бағдод (Ироқ)
Мутахассислар таъкидлашича, бу йил Тошкентда ҳаво сифати совуқ фасл келмасдан олдинёқ ёмонлашган, ҳолбуки олдинги йилларда бундай ҳолат одатда кузнинг охирида кузатиларди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
