Ўзбекистонлик талабаларнинг чет элда таълим олишга бўлган қизиқиши сақланиб турибди, аммо уларнинг умумий сони камайган. Миллий статистика қўмитаси маълумотларига кўра, 2025 йилнинг январь–август ойларида 20,7 минг нафар фуқаро ўқиш мақсадида хорижга йўл олган. Бу кўрсаткич ўтган йилга нисбатан 24,6 фоизга кам, деб хабар берди idoraviy манбалар.
Маълум қилинишича, ўзбекистонлик ёшлар энг кўп яқин қўшни Тожикистонни танламоқда. Бу ерда 5 270 нафар талабамиз таҳсил олмоқда. Россияда 4 649, Қирғизистонда 3 064, Корея Республикасида 2 309, Туркияда 1 538 нафар ватандошларимиз ўқимоқда. Шунингдек, Қозоғистон (874 нафар), Хитой (797), Буюк Британия (567), Германия (285) ва АҚШ (256) ҳам талабалар манзили бўлиб турибди.
Экспертлар фикрича, ёшлар асосан қўшни мамлакатлардаги олийгоҳларни танламоқда, чунки қабул тизими содда ва таълим харажатлари нисбатан арзон. Бироқ сўнгги йилларда Корея ва Туркия университетларига қизиқиш кескин ортган — бу давлатлар халқаро рейтингларда юқори ўринларини сақлаб турибди ва стипендия дастурларини кенгайтирмоқда.
“Zamin”ни Telegram'да ўқинг!
