Жаҳон паспортлари рейтинги янгиланди, деб хабар берди Henley & Partners компанияси. Тадқиқот натижаларига кўра, Ўзбекистон паспорти визасиз кириш мумкин бўлган давлатлар сонига кўра 82-ўринни эгаллади. Бу фуқароларимиз 61 та мамлакатга виза талабисиз бориши мумкинлигини англатади.
Марказий Осиё давлатлари орасида энг юқори ўринни Қозоғистон эгаллади — 67-ўрин. Қозоғистонликлар 78 та давлатга эркин саёҳат қила олади. Қирғизистон 81-ўринда (62 та давлат), Ўзбекистон 82-ўринда (61), Тожикистон 87-ўринда (55), Туркманистон эса 93-ўринда (48 та давлат).
Дунё бўйича эса Сингапур ўз етакчилигини сақлаб қолди — бу мамлакат фуқаролари 227 давлатдан 193 тасига визасиз кира олади. Уни Жанубий Корея (190 давлат) ва Япония (189 давлат) кузатиб бормоқда.
АҚШ илк бор кучли ўнталикни тарк этиб, 12-ўринга тушди ва бу ўринни Малайзия билан бўлишмоқда. Россия ҳам рейтингда пасайиб, 50-ўринга тушди.
“Henley Passport Index” таҳлилчилари таъкидлашича, кейинги йилларда Осиё давлатлари дунёдаги “энг кучли паспортлар” рўйхатида етакчиликни мустахкамламоқда. Бу эса иқтисодий барқарорлик ва халқаро ҳамкорликнинг ўсиб бориши билан изоҳланади.
“Zamin”ни Telegram'да ўқинг!
