Ўзгидромет маълумотига кўра, 21 октябрь куни мамлакат бўйлаб илиқ ва қуёшли об-ҳаво сақланиб туради.
Пойтахт Тошкентда осмон бироз булутли бўлади, ёмғир эҳтимоли йўқ. Шарқдан енгил шамол эсади, ҳарорат кечаси 9–11 даража, кундузи 23–25 даража атрофида бўлади.
Қорақалпоғистон ва Хоразмда ҳаво тинч, ёғингарчилик кутилмайди. Ҳарорат кечаси 2–7 даража, кундузи 18–23 даража бўлади.
Бухоро ва Навоийда қуёшли кун ҳукм суради — ҳарорат 23–28 даражагача кўтарилади. Тошкент, Сирдарё, Жиззах ва Самарқанд вилоятларида ҳам шунга ўхшаш илиқ об-ҳаво кутилмоқда.
Қашқадарё ва Сурхондарёда ҳаво янада иссиқ — кундузги ҳарорат 25–30 даражага етиши мумкин.
Фарғона водийсидаги вилоятларда ҳам ёмғир кутилмайди, ҳарорат 21–26 даража атрофида бўлади.
Тоғли ҳудудларда об-ҳаво нисбатан салқин бўлиб, ҳарорат кундузи 18–23 даража, кечаси эса 4–9 даража бўлиши айтилмоқда.
Метеорологлар кузнинг илиқ кунларидан фойдаланиб, дам олишни тавсия этмоқда — ҳафта якуни қуёшли ва ёмғирсиз кечиши кутилмоқда.
