Ўзгидромет маълумотларига кўра, 3 ноябрь куни Ўзбекистоннинг кўп ҳудудларида ҳаво ўзгарувчан бўлиб, айрим жойларда ёмғир ёғиши кутилмоқда.
Пойтахт Тошкентда кечга бориб ёмғир ёғиши эҳтимолдан холи эмас. Шамол ғарбдан 3–8 м/с тезликда эсади. Ҳарорат кечаси 8–10, кундузи 14–16 даража бўлади.
Қорақалпоғистон ва Хоразмда ҳам ҳаво ўзгарувчан, баъзи ҳудудларда ёмғир ёғиши мумкин. Ҳарорат кечаси 0–5, кундузи 9–14 даража оралиғида бўлади.
Бухоро ва Навоий вилоятларида тунлари қуруқ, кундузи эса айрим жойларда ёмғир ёғади. Ҳарорат 3–8 даража илиқдан 11–16 даражагача бўлиши кутилмоқда.
Тошкент, Сирдарё, Жиззах ва Самарқанд вилоятларида кечга яқин ёмғир ёғиши мумкин. Ҳарорат кундузи 15–20 даража, кечаси 5–10 даража бўлади.
Қашқадарё ва Сурхондарёда ҳаво ўзгарувчан, айрим жойларда ёмғир, чанг-тўзон ва шамол кучайиши эҳтимоли бор. Ҳарорат кундузи 16–22 даражагача кўтарилади.
Фарғона водийсида — Андижон, Наманган ва Фарғона вилоятларида — ҳаво бироз булутли, лекин ёғингарчилик кутилмайди. Ҳарорат кундузи 15–20 даража бўлади.
Тоғдa ва тоғолди ҳудудларда эса ёмғир, айрим жойларда қор ёғиши мумкин. Ҳарорат кечаси 0–5, кундузи 5–10 даража бўлиши прогноз қилинган.
Синоптиклар ноябрнинг илк ҳафтасида ҳаво совиб, айрим вилоятларда намлик ортади, деб билдирмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
