Ўзгидромет 5 декабрь кунига мўлжалланган об-ҳаво маълумотларини эълон қилди. Тахминларга кўра, эртага республиканинг айрим ҳудудларида ёмғир кузатилиши мумкин.
Тошкент шаҳрида ҳаво ўзгарувчан бўлиб, кечаси ва эрталаб бироз ёмғир ёғиши эҳтимол қилинmoqda. Кундузи ёғингарчилик кутилмайди, аммо туман тушиши мумкин. Шамол 3–8 м/с тезликда эсади. Ҳарорат кечаси 2–4 даража илиқ, кундузи 9–11 даража атрофида бўлади.
Қорақалпоғистон ва Хоразмда ёғингарчилик кутилмайди, аммо баъзи жойларда туман сақланиб туриши мумкин. Шунингдек, 7–12 м/с тезликдаги шарқий шамол кузатилади. Ҳарорат кечаси 2–7 даража совуқ, кундузи 3–8 даража илиқ бўлади.
Бухоро ва Навоийда ҳам ҳаво асосан мусаффо, фақат айрим жойларда туман бўлиши мумкин. Ҳарорат кечаси −2 дан +3 даражагача, кундузи 6–11 даража илиқ бўлади.
Тошкент, Самарқанд, Сирдарё ва Жиззахда кечаси ва эрталаб ёмғир эҳтимоли мавжуд. Шамол 7–12 м/с атрофида. Ҳарорат 0–5 даража илиқ, айрим жойларда 2 даража совуқ, кундузи 6–11 даража бўлиши кутилмоқда.
Қашқадарёда ёмғир кутилмайди, баъзи ҳудудларда туман кузатилиши мумкин. Кечаси 0–5 даража илиқ, кундузи 8–13 даража атрофида бўлади.
Сурхондарёда айрим жойларда ёмғир эҳтимоли сақланиб қолади. Ҳарорат кечаси 0–5 даража, кундузи 8–13 даража илиқ.
Андижон, Наманган ва Фарғонада ҳам қисман ёмғир ёғиши мумкин. Тунги ҳарорат −3 дан +2 даражагача, кундузи 6–11 даража илиқ бўлиши кутилмоқда.
Тоғли ҳудудларда эса ёмғир ва қор аралаш ёғингарчилик бўлиши мумкин. Ҳарорат кечаси ва кундузи −2 дан +3 даражагача ўзгаради.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
