Бугун бир қатор ҳудудларда ёмғир ва қор кузатилади
14 декабр куни мамлакатнинг айрим ҳудудларида ёмғир, баъзи жойларда эса ёмғир билан қор аралаш ёғиши кутилмоқда. Тошкентда кечга яқин ёмғир эҳтимоли юқори, шамол ғарб томондан 3–12 м/с тезликда эсиб, айрим манзилларда 15–20 м/с гача кучайиши мумкин. Ҳарорат Тошкентда кечаси 3–5 даража илиқ, кундузи 13–18 даража, Қашқадарё ва Сурхондарёда эса 15–20 даражагача бўлади.
Бугун мамлакатнинг айрим минтақаларида об-ҳаво ўзгарувчан бўлади. “Ўзгидромет” маълумотича, 14 декабр куни баъзи ҳудудларда ёмғир, айрим жойларда эса ёмғир билан қор аралаш ёғиши кутиляпти. Тошкентда кечга яқин ёмғир эҳтимоли юқори.
Шамол асосан ғарб томондан йўналиб, ўртача 3–12 м/с тезликда эсади, баъзи манзилларда 15–20 м/с гача кучайиши мумкин.
Ҳарорат кўрсаткичлари республика бўйлаб фарқ қилади:
Тошкентда кечаси 3–5 даража илиқ, кундузи 13–18 даража атрофида. Самарқанд, Сирдарё ва Жиззахда кечаси 2–7 даража, кундузи 11–16 даража илиқ бўлади. Қашқадарё ва Сурхондарёда кундузги ҳарорат 15–20 даражагача кўтарилади.
Андижон, Наманган ва Фарғонада кундузи 5–10 даража, Бухоро ва Навоийда эса 10–15 даража илиқ бўлиши кутилмоқда. Қорақалпоғистон ва Хоразмда кечаси 2 даража совуқ — 3 даража илиқ, кундузи эса 3–8 даража илиқ рўй беради.
Тоғли ҳудудларда вақт-вақти билан ёмғир ва қор кузатилади, ҳарорат кечаси 2 даража совуқдан 3 даража илиққача, кундузи эса 1–6 даража илиқ оралиғида бўлади.
Муҳим эслатма: 13–16 декабрь кунлари Тошкент ва Наманган вилояти тоғларида қор кўчиши хавфи сақланиб турибди.
Изоҳлар 0
…