Англиянинг Блэкпул шаҳрида бўлиб ўтган дунёга машҳур “Britain’s Got Talent” кўрсатувининг саралаш босқичида илк маротаба Ўзбекистон номидан 11 ёшли Ясмина Ҳусниддинова иштирок этди. Бу ҳақда Маданият вазирлиги маълум қилди.
Маълум қилинишича, Ясмина Ҳусниддинова Тошкент шаҳридаги 1-сонли болалар мусиқа ва санъат мактабининг эстрада вокали йўналиши бўйича 5-синф ўқувчиси ҳисобланади. У ҳакамлар ҳайъатидан 4 та “ҳа” жавобини олиб, муваффақиятли тарзда кейинги босқичга йўлланма олди.
Ёш хонанда ўз чиқишида “The Greatest Showman” фильмидаги машҳур “Never Enough” қўшиғини ижро этди ва томошабинлар ҳамда ҳакамларда катта таассурот қолдирди.
Яна бир ҳакам Алеша эса Ясмина ижросидаги паст ва баланд овозлар ўртасидаги фарқ жуда ёққанини, бу танлов жуда ўринли бўлганини, чунки ижро бир вақтнинг ўзида ҳам нафис, ҳам кучли таъсирга эга бўлганини билдирди.
Маълумот ўрнида айтиш жоиз, Ясмина Ҳусниддинова аввал ҳам бир қатор нуфузли халқаро танловларда юқори натижаларга эришган. Жумладан, у Беларусда бўлиб ўтган “Славянский базар – Витебск 2024” фестивалида Гран-прини қўлга киритган. Шунингдек, Италияда ташкил этилган “San Junior” халқаро танловида иштирок этиб, 25 та давлат вакиллари орасида ҳам Гран-при соҳиби бўлган.
Бундан ташқари, у Президент ташаббуси билан ўтказилган “Ёшлар овози – Бўзатов ФЕСТ” республика танловининг 2024 йилги ғолиби сифатида ҳам эътироф этилган.
“Zamin”ни Telegram'да ўқинг!
