Уй олишда ёш оилаларга кенг имкониятлар берилмоқда
2027 йилдан бошлаб Ўзбекистонда ёш оилалар учун имтиёзли ипотека дастури йўлга қўйилиб, уй-жой кредитлари йиллик 14 фоиз ставкада тақдим этилади. Мазкур имкониятдан эр-хотиннинг ёши 30 дан ошмаган ва охирги 3 йил давомида ўз номида уйи бўлмаган фуқаролар бирламчи бозордан хонадон сотиб олиш учун фойдаланишлари мумкин. Давлат банк ставкасининг белгиланган миқдордан ортиқча қисмини қоплаб бериш орқали ёш оилаларни ижтимоий қўллаб-қувватлашни мақсад қилган. Шунингдек, янги қарор билан ўқитувчиларнинг хорижий стажировкаси ва таълим соҳаси вакилларига фоизсиз ссудалар ажратиш каби муҳим чора-тадбирлар ҳам белгиланди.
2027 йилдан бошлаб мамлакатда ёш оилалар учун махсус ипотека дастури амалга оширилади. Янги қарорга мувофиқ, уй-жой кредитлари Марказий банкнинг асосий ставкаси даражасида, яъни 14 фоиз атрофида тақдим этилади. Агар банклар томонидан таклиф этиладиган фоиз ставкалари ушбу миқдордан юқори бўлса, ортиқча қисми давлат томонидан қоплаб берилади. Бу эса ёш оилалар учун уй-жой сотиб олиш имкониятини сезиларли даражада енгиллаштиради.
Ипотека кредитлари фақат бирламчи бозордаги уйлар учун амал қилади. Яъни, фақат янги қурилган уйлар хариди қўллаб-қувватланади. Шу билан бирга, дастурдан фойдаланиш учун эр-хотиннинг ҳар иккиси ҳам 30 ёшдан ошмаган бўлиши шарт қилинади. Шунингдек, сўнгги 3 йил ичида уларнинг номида уй-жой бўлмаган бўлиши керак.
Қарорда яна бир муҳим йўналиш белгиланган: ўқитувчиларни хорижда стажировкадан ўтказиш, шунингдек, таълим марказлари ва тадбиркорлик субъектлари учун фоизсиз ссудалар ажратиш кўзда тутилган. Бу ташаббуслар иқтисодий ва таълим соҳасини ривожлантиришга хизмат қилади.
Изоҳлар 0
…