Ўзбекистонда янги байрам пайдо бўлиши мумкин

  • 26 февраль 2019, 23:35
  • 8 048
  • Ўзбекистон
  • Ўзбекистонда янги байрам пайдо бўлиши мумкин
    Ўзбекистонда янги байрам – “Ота-оналар” куни жорий этилиши мумкин. Бу ҳақда Mening Fikrim порталида петиция жойлаштирилди.
    Мурожаат муаллифининг фикрига кўра, ўзбек халқида ота-онага ҳурматда бўлиш энг юксак қадриятлардан биридир. Шу сабабдан ота-оналарга ҳурмат руҳини ёшлар онгига чуқур сингдириш зарур.

    Ота-оналарга ҳурмат ва эъзоз юзасидан дунёнинг кўплаб давлатларида “Ота-оналар куни” кенг нишонланади. Масалан, БМТда ота-оналар куни 1 июн, АҚШда – июль ойининг сўнги якшанбаси, Кореяда 8 май ва Вьетнамда 7 июль куни нишонланади.

    “Давлатимиз томонидан “Ота-оналар куни”ни бир санада белгилаш ва мазкур кун доирасида оила, ота-оналарнинг мукаррам ва улуғлигини эслатувчи тарғибот-ташвиқот ишларини, байрам тадбирларини ўтказишни таклиф қиламиз”, - дейилган мурожаатда.

    » » Ўзбекистонда янги байрам пайдо бўлиши мумкин