Зомин ирригация тизими бошқармаси Жиззах вилояти Шароф Рашидов тумани ҳудудидаги ДМ-1 каналида 10 кундан бери сув йўқлиги ҳақидаги хабарларга муносабат билдирди.
Бошқарманинг «Дарё»га маълум қилишича, ДМ-1 каналининг умумий узунлиги 98,7 километр бўлиб, шундан бошқармага қарашли қисмининг узунлиги 67,0 километрни ташкил этади. Бошқарма сувни қабул қилиб олиш учун Жиззах бош насос станциясидан PK 317дан сувни қабул қилиб олади. Ҳозирги кунда ДМ-1 каналидан Зомин, Зарбдор, Пахтакор, Шароф Рашидов ва Фориш туманларидаги экин майдонларига сув боради.
Шундан, Шароф Рашидов туманидаги «Ўзбекистон» СИУ, «Самарқанд-қудуқ» СИУ, «Алишер Навоий» СИУ, «Учтепа» СИУ ва «Қулписар» СИУлари сув билан таъминланади. Шароф Рашидов туманининг «Қулписар» СИУда жойлашган «Қили маржони» фермер хўжалигида 300 гектар пахта майдони мавжуд бўлиб, биринчи сув билан пахта майдонлари тўлиқ суғорилган. Иккинчи сувдан 270 гектар пахта майдони сув билан таъминланган бўлиб, ҳозирда 30 гектар пахта майдони суғорилмай қолган.
«Бугунги кунда ДМ-1 канали ҳудудидаги ғалладан бўшаган барча майдонларга такрорий экинлар (экспорт) экилган. Пахта майдонларининг суви такрорий экинлар суви билан биргаликда навбати келиб қолганлиги учун сувга бўлган талаб кундан кунга ошиб бормоқда. Об-ҳавонинг кескин исиб кетиши натижасида сувга бўлган эҳтиёж яна ҳам ошди», — дейилади бошқарма хабарида.
Хабарда айтилишича, ҳар йиллик прогноз маълумотларига қараганда, Вегетация мавсумида ЖБНС системасида 60 м3/с насос агрегати ишлатилиши лозим. Бугунги кунда ЖБНС системасида 50 м3/с насос агрегати ишламоқда. Шароф Рашидов туманига вегетация мавсумида июль ойининг биринчи декадасида ажратилган чекланган сув миқдори 3,24 м3/с қилиб белгиланган. Ҳозирда ДМ-1 каналидан Шароф Рашидов туманига ўтадиган сувнинг миқдори 4,4 м3/с ташкил этади.
«Келтириб ўтилган маълумотдан билиш мумкинки, бунда сув борасида танқислик келиб чиқиши табиий ҳолатдир», — дейилади хабарда.
Эслатиб ўтамиз, 9 июль куни Жиззах вилояти Шароф Рашидов тумани «Қулписар» ФХХУ ҳудудида ДM1 каналида 10 кундан бери сув йўқлиги оқибатда ҳудуддаги пахта майдонлари сувсиз қолгани ҳақида хабар берилган эди.
Манба: Daryo.uz “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Эрон президенти жиддий баёнот берди: «Исроилдан ҳеч нарса қолмайди»
Damas учун онлайн контрактация очилади
Германияда мактаб ўқувчилари оммавий равишда ислом динини қабул қилмоқда
Германиянинг Knauf компанияси Россиядан бутунлай чиқиб кетишини тасдиқлади
Россия дунёдаги биринчи водород ёқилғили автомобилни тақдим этди
Америкалик олимлар барча учун бирдек фойдали жисмоний фаоллик турини аниқлади
Ўзбекистонда ўтган уч ойда қанча автомобиль ишлаб чиқарилган?
