Автомобиль ишлаб чиқарувчиси ва дистрибютори Россия бозорида "Peugeot" маркасининг иккита янги седани нархларини эълон қилди. "Peugeot 408" ва "Peugeot 508Л" моделлари фақат биттадан комплектацияда тақдим этилади. Бу ҳақда Ixbt.com хабар беради.
База модели ҳисобланган "Peugeot 408" автомобили "Шарм" версиясида чегирмаларсиз 3 799 000 рубль нархда таклиф қилинмоқда. Машина 173 от кучига эга 1,5 литрли турбомотор ва 6 поғонали автомат узатмалар қутиси билан жиҳозланган.
Ушбу модель 6 та хавфсизлик ёстиғи, шиналар босимини назорат қилиш тизими, панорамали кўриниш ва 10 дюймли экранли мультимедиа тизимига эга. Автомобиль салони сунъий чарм билан қопланган.
Флагман ҳисобланган "Peugeot 508Л" модели "Престиж" версиясида 4 699 000 рублга баҳоланди. У 211 от кучига эга 1,8 литрли турбомотор ва 8 поғонали автомат узатмалар қутиси билан таъминланган.
Ушбу модель жиҳозлари қаторига тунги кўриш тизими, адаптив круиз-назорат, 4 та камера, адаптив осма ва уч зонали иқлим назорати киритилган.
“Zamin”ни Telegram'да ўқинг!
