Омода ва Жаекоо брендларининг эгаси бўлган Chery компанияси Япониянинг мураккаб автомобил бозорига киришни мақсад қилган. Бунинг учун Хитой гиганти Осиёнинг тўртта йирик компанияси билан ҳамкорликда Эмта деб номланган янги электромобил брендига асос солди. Chery ушбу лойиҳада платформалар ва техник қисмларни етказиб берувчи асосий ҳамкор сифатида иштирок этади. Бу ҳақда Autocar.co.uk хабар беради.
Эмта брендининг биринчи модели Япониянинг кей-кар стандартларига мос келадиган, узунлиги 3,4 метр бўлган ихчам шаҳар автомобили бўлади. Ҳозирча номи ошкор қилинмаган ушбу модел Chery компаниясининг электр узатмалари ва Готион батареялари билан жиҳозланади. У бозорда Honda Н-Бох, Nissan Сакура, Даиҳатсу Танто ва Suzuki Ҳустлер каби маҳаллий етакчилар билан рақобатлашиши кутилмоқда.
Техник жиҳатдан янги кей-кар Chery компаниясининг Хитой бозоридаги энг кичик модели — ҚҚ Исе Креам билан ўхшаш бўлиши тахмин қилинмоқда. Маълумотларга кўра, автомобил 27 от кучига эга двигател ва тахминан 160 километр масофани босиб ўтиш имконини берувчи аккумулятор билан жиҳозланади. Сотув жараёнлари билан Аутобакс Севен шуғулланса, Анест компанияси сифат назоратига масъул бўлади.
Дастлабки босқичда автомобиллар Хитойда, Жиангсу Юеда заводида ишлаб чиқарилади. Агар бренднинг дебюти муваффақиятли кечса, келажакда ишлаб чиқаришни бевосита Япониянинг ўзида ташкил этиш режалаштирилган. 2029-йилга қадар Эмта қаторига яна учта янги модел — супермини, кичик кроссовер ва MPВ қўшилиши кутилмоқда.
Ҳозирча Эмта брендини Япония ташқарисига олиб чиқиш режалари йўқ. Chery бу лойиҳада асосан акциядор ва технологик ҳамкор сифатида иштирок этади. Шу тариқа, Хитой автосаноати BYD ортидан Япония бозорининг учдан бир қисмини ташкил этувчи кей-карлар сегментида ўз ўрнини эгаллашга ҳаракат қилмоқда.
“Zamin”ни Telegram'да ўқинг!
