Россия Украинага бостириб кирмаган – Лавров

Россия Украинага бостириб кирмаган, Киевнинг НАТОга жиноий алоқадорлигини Ғарбга кўрсатишнинг бошқа йўли қолмагани учун махсус операция эълон қилинган. Бу ҳақда Россия ташқи ишлари вазири Сергей Лавров найшанба куни BBC’га берган интервьюсида маълум қилди.

“Биз Украинага бостириб кирганимиз йўқ. Ғарбга унинг жиноий фаолият билан шуғулланаётгани, Украинани НАТОга жалб қилаётгани, неонацистлар тузумини асраб-авайлаши, ҳомийлиги ва тарбияси ҳақида тушунтиришга имконимиз қолмагани учун махсус ҳарбий операция эълон қилдик. Владимир Зеленскийнинг 2021 йилнинг сентябрида “Агар кимдир Украинада ўзини рус одамидек ҳис қилса, Россияга кетсин” деганди”, - дейди Лавров.

Вазирнинг таъкидлашича, Россияда “бошқа йўли қолмаган эди” ва Москва буни “кўп, минг марта тушунтирган”.

“Ҳозир Украина режими тинч аҳолига, шаҳарларга ғарб қуроллари билан ҳужум қилмоқда” дея қўшимча қилди у.

“Биз ҳеч кимга ҳужум қилганимиз йўқ. Улар Украинадаги русларга ҳужум қилди”, деди Россия дипломатияси раҳбари.

Янгиликлар