Германия Украина ғалласини олиб чиқиш учун синов йўлаги ташкил этишга ёрдам беради

Германия Украина ғалласини синов тариқасида темирйўл орқали олиб чиқишни йўлга қўяди, деди ГФРнинг Украинадаги элчиси Анка Фелдгузен.

"Украина ғалласини Одесса портлари орқали экспорт қилиш яқин вақт ичида имконсиз, шу сабабли Полша орқали экспорт қилиш имконияти устида ишлаш керак. Германия темирйўл орқали олиб чиқишга ёрдам беришни режалаштирмоқда. Украиналик ҳамкорларимиз билан синов ташувини яқин вақт ичида амалга ошириш устида ишлаймиз", - деди у.

Унинг сўзларига кўра, Европа мамлакатлари Украина ғалласини қуруқлик орқали ташиш учун "бирдамлик йўлаклари" ташкил этади.

Аввалроқ Европа дипломатияси раҳбари Жозеп Боррел Украинада 20 млн тонна ғалла сақланаётганини айтганди.

Янгиликлар