1 368
Урушнинг 118-куни: Донецк далаларидаги ракеталар. Киевда гуманитар ёрдам учун навбатлар (фото)
21 июнь куни Европа инвестиция банки раҳбари Вернер Гоэр Украинани қайта тиклаш харажатлари триллион доллардан ошишини прогноз қилди. Қўшма Штатлар Литвани Калининград вилоятига санкцияланган товарлар транзитини чеклаш бўйича Россия билан баҳсда қўллаб-қувватлашини билдирди. Россия Ички ишлар вазирлиги уруш бошланганидан кейин IT мутахассислари хорижга чиқиб кетгани сабабли Россияда 170 минг «айтишник» етишмаётгани ҳақида хабар берди. Meduza урушнинг 118-кунидан асосий фотосуратларни тақдим этди.
Змеиний ороли
Украина қуролли кучлари томонидан ўққа тутилган Қора денгиздаги Змеиний оролининг сунъий йўлдошдан олинган сурати. Оролнинг шимолий қисмида ёнғин ўрни, жанубий қисмида вайрон қилинган минора ва ёниб кетган ўсимликлар кўринади. Ҳозир оролда Россия қўшинларининг позициялари ва ҳаво ҳужумидан мудофаа тизимлари ўрнатилган.
Фото: Maxar Technologies
Донбасс шимоли
Дружковка шаҳридаги бинога снаряд тегиб, ёниб кетди. Дружковка Донецк вилоятининг шимолида, Краматорскдан унчалик узоқ бўлмаган ерда жойлашган. 20 июнь куни Украина Қуролли кучлари Россия Краматорск йўналишида фаол амалиётлар олиб бормаётгани, украиналикларнинг туташ чизиқдаги позицияларини ўққа тутаётгани ҳақида хабар берган эди.
Фото: Getty Images
Украина Қуролли кучлари ходими Дружковкадаги отишма ва ундан кейинги ёнғин пайтида вайрон бўлган омборни кўздан кечирмоқда.
Фото: Getty Images
Фермерлар Донецк вилоятидаги кунгабоқар даласида рус ракетасининг қолдиқларини кўздан кечирмоқда. Украина Бош штабининг хабар беришича, Донецк йўналишида Россия армияси ҳужумни кучайтириш ва давом эттириш учун қайта тўпланмоқда.
Фото: AP Photo
Харьков вилояти
Харьков вилоятининг Андреевка шаҳридаги нефтни қайта ишлаш заводи ўққа тутилиши оқибатида бошланган ёнғин бир неча кундан бери давом этмоқда. Украина Бош штабининг хабар беришича, Россия армияси Украина қўшинларининг жойлашувини аниқлаш мақсадида Харьков йўналиши бўйича ҳаводан разведка ўтказмоқда ҳамда Украина Қуролли кучлари позициялари ва фуқаролик инфратузилмасини интенсив артиллериядан ўққа тутмоқда.
Фото: Reuters
Харьков уй-жой-коммунал коллежи биноси ўққа тутилиб, шикастланган. Харьков вилояти раҳбари Олег Синегубовнинг маълум қилишича, 21 июнь куни Харьков вилоятида отишмалар оқибатида 15 нафар тинч аҳоли вакили ҳалок бўлган, яна 16 нафари яраланган.
Фото: EPA
Уй-жой коммунал коллежининг вайрон бўлган биносига қараётган ўткинчи.
Фото: Reuters
Кун ботганда Харьков марказини кезиб юрган аҳоли.
Фото: EPA
Киев
Киев вилоятининг Бородянка шаҳри аҳолисига инсонпарварлик ёрдами тарқатилмоқда.
Фото: EPA
Киевда қариялар кўнгиллилар тарқатаётган овқат учун навбатда туришибди.
Фото: Getty Images
Кекса аёл овқат олиш учун навбатда турибди.
Фото: Getty Images Россия ва Украина уруши “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пашинян Арманистоннинг Мустақиллик декларацияни энг катта муаммо ва фожиа деб атади
КХДР етакчиси дронларни оммавий ишлаб чиқаришни йўлга қўйишни буюрди
Туркиянинг Harper’s Bazaar нашри йил аёлини аниқлади (фото)
Россиялик депутат: «Олий маълумотлиларнинг курерлик қилиши — ватанпарварликка зид»
Айрим бошқарув сервис компаниялари шартномаларида асоссиз шартлар белгилангани аниқланди
Жо Байден: “Баъзан хотиним мени космосга жўнатиш билан таҳдид қилади”
20 ёшли ўзбекистонлик қизни қариндоши Туркияга сотиб юборди
Шольц ва Путин ўртасидаги суҳбат Киевга сигнал бўлди
