Италия Украинага тўртинчи қуроллар пакетини юборади

^{Фото: Reuters}
Қуроллар рўйхати июнь ойи охирида бўлиб ўтадиган НАТО саммитидан сўнг тўлиқ шакллантирилади. Пакет асосан зирҳли техника ва артиллерияни ўз ичига олади, Рим Киевга узоқ масофага ўт очувчи қуролларни юбормайди.

Италия ҳукумати Украинага ҳарбий ёрдамнинг янги пакети устида ишламоқда ва Россия ҳарбий операцияси бошланганидан буён мамлакатга тўртинчи қурол-яроғ партиясини жўнатишга тайёрланмоқда, дея хабар беради Il Messagero газетаси.

Қуроллар рўйхати махфий бўлади. Ҳукуматдаги манбага кўра, ёрдам партияси асосан зирҳли транспорт воситалари, артиллерия, жумладан, 25-30 километр масофагача нишонга олувчи FH-70 гаубицалари, ўқ-дорилар, пулемётлар, хусусан, Beretta МG42/59 пулемёти ҳамда лагер чодирлари, тиббий асбоб-ускуналар каби анжомларни ўз ичига олади.

Расмийлар, шунингдек, Италиянинг Украина ҳарбийларини Ғарб қуроллари билан ишлашга ўргатишдаги ҳиссасини ошириш имкониятини муҳокама қилмоқда.

Якуний қуроллар рўйхати 28-30 июнь кунлари Мадридда бўлиб ўтадиган НАТО саммитидан сўнг шакллантирилади. Бош котиб Йенс Столтенберг аввалроқ иттифоқчилар Украинага ҳарбий ёрдам пакети бўйича келишиб олишига ваъда берган эди. “Замин” янгиликларини “Одноклассники”да кузатиб боринг