НАТО альянснинг тезкор кучлари сонини сезиларли даражада оширишмоқчи

^{Фото: «Интерфакс»}
Мадриддаги НАТО саммити альянснинг тезкор кучлари сонини ошириш бўйича қарор қабул қилишга имкон беради, дея баёнот берди НАТО бош котиби Йенс Столтенберг.

«Биз тезкор кучларимиз сонини сезиларли даражада кўпайтирамиз: уларнинг сони 300 мингдан ортиқ жангчини ташкил қилади», — деди у Брюсселдаги матбуот анжуманида саммит режалари ҳақида гапирар экан.

Ғарб ОАВларининг қайд этишича, альянс хавфсизликка таҳдид юзага келган тақдирда имкон қадар тезроқ фойдаланиши мумкин бўлган ушбу кучлар сони айни пайтда 40 мингга яқин ҳарбий хизматчини ташкил этади.

Бундан ташқари, Столтенберг альянс шарқидаги саккиз мамлакатда НАТО томонидан жойлаштирилган жанговар гуруҳларни кучайтириш режаларини эълон қилди. «Биз шарқий қанотдаги жанговар гуруҳларни бригадалар даражасига қадар кучайтирамиз», — деган бош котиб.

Журналистнинг ушбу қарор альянснинг барча саккизта жанговар гуруҳига таъсир қиладими, деган аниқлаштирувчи саволига жавоб берар экан, Столтенберг уларнинг фақат баъзилари бригадалар даражасига кўтарилишини тушунтирган. “Замин” янгиликларини “Одноклассники”да кузатиб боринг