Фото: Getty Images
Ҳозирги «яшил энергетика»га ўтиш стратегияси ҳаётий қийинчиликлар туфайли амалда муваффақиятсизликка учрамоқда. Бу ҳақда Саудия Арабистонининг Saudi Aramco компанияси бош директори Амин Носир маълум қилди.
Нефт гиганти раҳбарининг таъкидлашича, қазиб олинадиган ёқилғига бўлган талаб яқин йилларда фақат ўсиб боради.
«Менинг таклифим шундан иборатки, биз нефт ва газдан босқичма-босқич воз кечиш ҳақидаги хаёлдан воз кечишимиз ва ўрнига уларга сармоя киритишимиз керак», деди Носир Қўшма Штатларнинг Ҳюстон шаҳридаги CERAWeek энергетика конференциясида.
Saudi Aramco бош директори сўнгги 20 йил ичида энергия алмашинувига 9,5 триллион доллардан ортиқ сармоя киритилганига қарамай, муқобил энергия манбалари углеводородлар ўрнини боса олмаётганини таъкидлади. Шамол ва қуёш энергияси ҳозир жами энергиянинг атиги 4 фоизини ташкил қилади, электромобиллар улуши эса 3 фоиздан ошмайди, деб тушунтирди у. Шу билан бирга, XXI аср бошидан бери нефтга бўлган глобал талаб кунига 100 миллион баррелга ошди, деб қўшимча қилди Носир.
Шунингдек, у талаб динамикасига дунё аҳолисининг 85 фоизини ташкил этувчи, бироқ қайта тикланадиган энергетикани ривожлантиришга йўналтирилган барча инвестицияларнинг атиги 5 фоизини оладиган ривожланаётган мамлакатлар таъсир қилишини эслатди. Компания раҳбарининг сўзларига кўра, асосий эътиборни нефт ва газдан фойдаланиш самарадорлигини ошириш, шунингдек, улардан атмосферага чиқадиган чиқиндиларни камайтиришга қаратиш зарур. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда ишлаш истагида бўлган ўзбекистонлик мутахассислар учун немис тили ўргатилади
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Владимир Путин «Крокус»да содир этилган теракт учун ўч олишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)