Tesla компанияси ўз электромобилларининг асосий афзаллигини эслатиб ўтди. Ички ёнув двигателли автомобилларга қараганда уларнинг энергия самарадорлиги анча юқори экани таъкидланди. Бу ҳақда Ixbt.com хабар беради.
Компания ҳисоб-китобларига кўра, замонавий Tesla электромобилидан фойдаланиш худди шундай масофани босиб ўтадиган ёнилғи машинасига нисбатан тахминан 70 фоизга арзонроқ тушади.
Бунга асосий сабаб фойдали иш коеффитсиентидаги кескин фарқдир. Ички ёнув двигателлари ёнилғи энергиясининг атиги 20-30 фоизини ҳаракатга айлантиради, қолган қисми эса иссиқлик кўринишида йўқотилади.
Электромобиллар эса аккумулятор энергиясидан анча самарали фойдаланади. Энергиянинг қарийб 85-90 фоизи бевосита ҳаракатланиш учун сарфланади.
Натижада бир хил масофани босиб ўтиш учун сезиларли даражада камроқ энергия талаб этилади. Бу эса автомобиль эгасининг харажатларини камайтириб, умумий тежамкорликни оширади.
“Zamin”ни Telegram'да ўқинг!
