Фото: Reuters
Tesla ва SpaceX асосчиси, америкалик миллиардер Илон Маск эълон қилинмаган ташриф билан Пекинга келди, деб хабар берди Reuters 28 апрел, якшанба куни.
Ташрифдан кўзланган мақсад Хитойнинг юқори мартабали амалдорлари билан учрашиб, автоном автомобиллар учун дастурий таъминотни Хитой бозорида жорий этиш, шунингдек, маълумотларни хорижга узатишга рухсат бериш масалаларини муҳокама қилишдир, деб ёзади нашр.
Хитой давлат матбуотига кўра, Маск Хитой Халқ Республикаси Давлат кенгаши бош вазири Ли Кэцян билан учрашган. Хитой бош вазири Tesla компаниясининг ХХР бозоридаги ривожланишини АҚШ-Хитой иқтисодий ва савдо ҳамкорлиги муваффақиятли намунаси сифатида кўриш мумкинлигини таъкидлаган.
Хитойда автоном автомобиллар учун дастурий таъминот
Tesla компаниясининг ўзини ўзи бошқарадиган автомобиллар учун дастурий таъминоти (FSD) бозорга 4 йил аввал тақдим этилган, бироқ у ҳали Хитойда мавжуд эмас. 2024 йилнинг апрел ойида Маск ушбу автопилот дастури «тез орада» хитойлик мижозларга тақдим этилишига ваъда берган эди.
Маълумотлар узатиш масаласи бўйича, Reuters суҳбатдоши тушунтирганидек, Маск автоном ҳайдаш алгоритмини янада такомиллаштириш учун Хитойда тўпланган маълумотларни АҚШга ўтказишга рухсат олмоқчи. Хитой миллий регуляторининг талабларига мувофиқ, 2021 йилдан бошлаб Tesla Хитойда тўпланган барча маълумотларни Шанҳайда сақлайди.
Хитой оммавий ахборот воситаларининг хабар беришича, Маск, ўз навбатида, Пекин автосалони ташкилотчиси бўлган Хитой Халқаро савдони ривожлантириш кенгашига раҳбарлик қилувчи ҳукумат амалдори Рен Хунбин билан ҳам учрашган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Путин Хитой талабаларига қандай маслаҳат берди?
Орзудаги уй — қишда иссиқ, ёзда салқин. Бунга қандай эришиш мумкин?
Мансаб пиллапоялари: унга кимлар муносиб?
Путин ва Си Цзиньпин учрашувидаги "ишора" штатларда ваҳима уйғотди
Пневматик қуролларни ўз ихтиёри билан топширганлар жавобгарликдан озод этилади
Эрон президентини олиб кетаётган вертолёт ҳалокатга учради
“Умра” зиёратига бориб келиш тартиби такомиллаштирилади
Лавров: Путин ва Си Цзиньпин Хитойнинг глобал хавфсизлик бўйича ташаббусини муҳокама қилди