Қон гуруҳлари бўйича халқаро референс-лаборатория (IBGRL) ва Бристол университети олимлари MAL деб номланган янги қон гуруҳи тизимини яратишди. Тадқиқот натижалари Blood журналида эълон қилинди.
Анъанавий тарзда қон биринчи, иккинчи, учинчи ва тўртинчи гуруҳларга таснифлаб келинади. Уларнинг ҳар бирида қизил қон таначалари (эритроцитлар) махсус сирт белгилари (антигенлар)га эга бўлади. Бироқ қон аслида янада мураккаб таркибга эга, ҳозирга қадар олимлар томонидан 360 дан ортиқ антигенларни ўз ичига олган 47 та қон гуруҳи тизими аниқланган.
Британиялик тадқиқотчилар ишлаб чиққан янги тизим қон гуруҳларини Mal оқсили орқали узатиладиган AnWj антигени бўйича таснифлашга асосланган. Олимларнинг фикрича, AnWj генотипи манфий одамларга мусбат генотипли қон қуйилиши салбий реакция бериши мумкин.
Ер аҳолисининг 99,9 фоизидан кўпроғида AnWj генотипи мусбат. Бироқ манфий генотипли одамлар ҳам бор. Манфий AnWj га кўпинча қон касалликлари ва айрим саратон турлари сабабчи бўлиши аниқланди. Саноқли одамлардагина «манфийлик» наслий омиллар билан боғлиқ.
Янги тизим ноёб қон хусусиятига эга шахсларни аниқлаш ва уларга қон қуйиш тартибини яхшилашга хизмат қилиши кутилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Трампга навбатдаги “суиқасдга уриниш” содир бўлди
Эрон Chamran-1 сунъий йўлдошини орбитага муваффақиятли чиқарди
Томоқ оғриғини антибиотикларсиз даволаш
Россия Харьковга авиабомбалар билан зарба берди
Трамп Россия ҳақида кутилмаган савол берди
Гвардиола: “Манчестер Сити” ўйинчиларини кўргани кўзим йўқ...
Хитой янги авлод палубали қирувчи самолётини синовдан ўтказишни бошлади
“Ҳизбуллоҳ” ва ҳусийлар Исроилга ракеталар учирди