Фото: AFP/Getty Images
Халқаро энергетика агентлигининг (ХЭА) таъкидлашича, кондиционерлардан фойдаланишнинг ортиб бориши келгуси ўн йилликда дунё электр тармоғига юкламаларни кескин оширади ва кутилмаган оқибатларни келтириб чиқариши мумкин. Бу ҳақда FT ёзди.
Энергия хавфсизлигини назорат қилувчи ХЭА тадқиқотчиларининг таъкидлашича, ривожланаётган мамлакатларда даромадлар ортиб бориши ва иқлим ўзгариши туфайли уй кондиционерларидан фойдаланиш кўпаяди, мос равишда электр қувватига бўлган талаб ҳам кескин ошади.
Ушбу прогноз ХЭА томонидан эълон қилинган World Energy Outlook ҳисоботида келтирилган. Унда айтилишича, ҳавони совутиш учун 2030 йилга бориб 697 тераватт-соат (TWh) қўшимча электр энергиясини талаб қилинади, бу эса компютер маълумотлар марказларининг қўшимча талабидан уч баробар кўпроқ. Шунингдек, ХЭА маълумотларига кўра, электр транспорт воситалари учун қўшимча 854 TWh энергия талаб қилинади.
Қайд қилинишича, АҚШ ва Японияда уй хўжаликларининг 90 фоизи кондиционерга эга, аммо бу Нигерияда 5 фоиз, Индонезияда 15 фоиз ва Ҳиндистонда 20 фоиздан кам. Бироқ, даромад даражасининг ошиши ва иқлим ўзгариши таъсирининг кучайиши билан одамлар кондиционер сотиб олмоқда ва бу электр қувватига бўлган талабнинг ошишига таъсир қилувчи асосий омил саналади.
ХЭА ҳисоботига кўра, 2050 йилга бориб, турар-жой кондиционерлари учун энергия истеъмоли 280 фоизга ўсиши кутилмоқда. Шу даврда кондиционерларнинг умумий энергия истеъмолидаги ҳиссаси 14 фоизга етади, бугунги кунда бу кўрсаткич 7 фоиздан кам.
Кондиционерлар бозори ўсишининг катта даражаси ривожланаётган мамлакатларда юз беради ва ХЭА иқлим ўзгариши тез-тез иссиқлик тўлқинларига олиб келадиган бўлса, талаб янада юқори бўлиши мумкинлиги ҳақида огоҳлантирмоқда.
ХЭА глобал электр энергиясига бўлган талаб ҳар йили 1000 TWh миқдорида ошиб бораётганини таъкидлади, бу Япониянинг бир йиллик истеъмолига тенг. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
