Британиянинг Daily Mail нашри АҚШ собиқ президенти Дональд Трамп Украинадаги урушни тўхтатиш режасини ишлаб чиққанини ҳақида хабар берди. Нашрга кўра, Трамп Украина президенти Владимир Зеленскийни Пасхагача Россия билан ўт очишни тўхтатишга рози қилишга ҳаракат қилади.
Манбага кўра, сиёсий ва дипломатик доираларда 20-апрелгача сулҳ эълон қилиш режалари муҳокама қилинмоқда. Ушбу режа Россиянинг Украинадаги ҳужумларини тўхтатишни, Украинага НАТОга аъзо бўлишни тақиқлашни ва Киевдан Россия томонидан аннексия қилинган ҳудудларни тан олишни талаб қилади.
Шунингдек, Украина қўшинлари Россиянинг Курск вилоятидан чекиниши керак бўлади. Европа ҳарбий контингенти демилитаризация ҳудудини қўриқлайди, лекин АҚШ қўшинлари бу жараёнда иштирок этмайди. Бундан ташқари, Европа Иттифоқидан Украинани тиклаш учун 486 миллиард доллар миқдорида ёрдам сўралиши кутилмоқда.
Тинчлик жараёни февраль бошида Зеленский ва Россия президенти Владимир Путин ўртасидаги телефон суҳбатидан бошланиб, март ойида юзма-юз учрашув билан давом этиши ва 9-майгача расмий сулҳ эълон қилиниши режалаштирилган.
Бироқ, Зеленский маъмурияти ушбу режа борлигини рад этмоқда. Президент идораси раҳбари Андрей Ермак бу хабарларни “асоссиз миш-миш” деб атади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
