Япония бош вазири Трампга самурайларнинг олтин дубулғасини совға қилди

^{Фото: Getty Images}
Япония бош вазири Сигэру Исиба АҚШ президенти Доналд Трампга самурайларнинг олтиндан ясалган дубулғаси — кабуто совға қилди, деб хабар беради Kyodo News.

Қайд этилишича, мазкур дубулға Япония ғарбидаги Тоттори префектурасида фаолият юритувчи Ningyouno Hanafusa Co. компанияси томонидан тайёрланган. Икки етакчининг учрашуви ўтган жума куни Вашингтонда бўлиб ўтганди.

Агентлик манбасига кўра, бош вазир Исибада совға ғояси америкаликлар томонидан суратга олинган «Сёгун» сериали эришган машҳурлик сабаб пайдо бўлган. Шунингдек, АҚШ президентига олтин ранги ёқиши ҳам маълум. 2016 йилда Вашингтонга ташриф буюрган Япония собиқ бош вазири Синдзо Абэ Трампга олтиндан ишланган голф клюшкасини совға қилганди.

Дубулғани тайёрлаган компания маълумотларига кўра, самурайлар бош кийимининг эни 57 сантиметр, баландлиги 81 сантиметр ва чуқурлиги 48 сантиметрни ташкил этади. Унинг нархи — 168 минг иена (1100 доллар). Фирмага самурайлар бош кийимини тайёрлаш буюртмасини ўтган йилнинг ноябрида Япония Ташқи ишлар вазирлиги берган. Аммо улар кабуто чет эллик VIP-шахсга совға қилинишини билган холос.

Япония бош вазири Доналд Трамп билан учрашиш учун АҚШга келган иккинчи чет эл давлати раҳбари бўлди. Биринчи бўлиб Вашингтонда Исроил ҳукумати раҳбари Бинямин Нетаняҳу ташриф буюрганди. “Замин” янгиликларини “Telegram”да кузатиб боринг