АҚШ коинотнинг қандай пайдо бўлганини ўрганиш учун телескопни ишга туширади

^{Фото: НАСА}
Америка Қўшма Штатлари март ойи бошида коинотнинг пайдо бўлиш жараёнини ўрганишга мўлжалланган SPHEREх космик обсерваториясини орбитага чиқаришни режалаштирмоқда, деб хабар берди НАСАга таянган ҳолда Дарё нашри.

Космик кема Катта портлашдан кейин бир сония ичида коинот триллион марта катталашиб, улкан ва кенгайиб бораётган коинотга айлангандан сўнг инфляция деб аталадиган ҳолатни ўрганишга қаратилган маълумотларни тўплайди.

SPHEREх оптик ва инфрақизил нурда маълумотларни тўплаш орқали коинот харитасини тузади. Телескоп Ердан кузатиш қийин бўлган инфрақизил нурни аниқлай олади. Спектрофотометр бутун осмонни 102 та инфрақизил диапазонда хариталаш ва миллиардлаб самовий жисмлар ҳақида маълумот тўплаш учун ишлатилади.

SPHEREх миссияси 2,5 йил давом этади ва шу вақт ичида қурилма коинотнинг биринчи инфрақизил 3D харитасини яратади.

Оғирлиги ярим тоннага яқин бўлган сунъий йўлдошнинг нархи 488 миллион долларга баҳоланмоқда, SpaceX Falcon 9 ракетаси SPHEREхни учириш учун ишлатилади. Қурилма АҚШ космик кучларининг Калифорниядаги Ванденберг ҳаво базасидан учирилади.

Falcon 9 ракетаси қуёш тожи ва қуёш шамолини ўрганиш учун ПUNCҲ лойиҳаси доирасида яратилган тўртта Америка сунъий йўлдошини ҳам орбитага чиқаради. “Замин” янгиликларини “Telegram”да кузатиб боринг