Россия армияси 10-март куни Покровск шаҳрига икки марта ҳужум уюштирди, деб хабар берди "Суспильне. Донбасс" нашри Донецк вилояти прокуратураси матбуот котиби Анастасия Медведевага таяниб.
Маълумотларга кўра, босқинчилар фронт чизиғидаги шаҳарга тунги соатларда ва соат 11:00 атрофида яна бир бор зарба берган. Биринчи ҳужум натижасида 76 ёшли фуқаро ҳалок бўлди. Кейинги ҳужумда эса 37 ёшли эркак яраланган бўлиб, унинг сон қисмида ўқ парчаси борлиги аниқланган.
Ҳозирда ҳуқуқни муҳофаза қилувчи органлар Покровскга қандай турдаги қуроллар билан зарба берилганини аниқламоқда. Бироқ ҳужум оқибатида тинч аҳоли орасида қурбонлар борлиги сабабли прокуратура уруш қонун-қоидаларини бузиш бўйича тергов ишларини бошлади (Украина Жиноят кодекси 438-моддасининг 1 ва 2-қисми).
Маълумки, 2025-йил март ойи бошида Покровскда ҳали ҳам 3 мингдан ортиқ фуқаро қолмоқда. Бир ҳафта ичида шаҳарни тарк этишга 500 га яқин одам рози бўлган. Шу билан бирга, Россия кучлари шаҳарни бомбардимон қилишда давом этмоқда.
Шунингдек, россиялик ҳарбийлар Донецк фронтида тактикани ўзгартириб, Покровск йўналишидаги ҳужумларни камайтирган, бироқ Торецк йўналишида кучларини ошираётгани қайд этилган. Бу ҳолат Украина Қуролли Кучларининг тактика жиҳатидан эришган ютуқлари билан боғлиқ. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
