Қозоғистонда 2024 йилда жароҳатланганлар иштирокида 31 мингдан ортиқ йўл-транспорт ҳодисаси қайд этилди, деб Finratings.kz хабар берди. Сенатор Марат Кожаев бу кўрсаткичнинг юқорилигини ҳайдовчиларнинг тайёргарлиги етарли даражада эмаслиги билан боғлиқ деб ҳисоблайди.
Сенатор Бош вазир Олжас Бектенов номига йўллаган сўровида ҳайдовчиларни ўқитиш ва назорат қилиш тизимини қайта кўриб чиқишни таклиф қилди. Унга кўра, ҳайдовчилар 10 йилда бир марта аттестациядан ўтишлари шарт бўлади.
Кожаевнинг асосий таклифлари:
Авто мактаблар устидан давлат назоратини кучайтириш.
Янги ҳайдовчилар учун синов муддатини жорий қилиш.
Ҳайдовчилик гувоҳномаси олинганидан 6 ой ўтиб малака ошириш курсларини ўтиш мажбурияти.
ЙҲҚ билимлари ва амалиёт машғулотларини ҳар 10 йилда текшириш.
Ҳайдовчилик гувоҳномаларини бериш жараёнини ИИВ назоратига ўтказиш.
Барча йирик шаҳар ва туман марказларида махсус ЙҲҚ марказлари ва автодромлар ташкил этиш.
Шунингдек, сенатор йўл инфратузилмасини яхшилаш бўйича таклифлар берди. Улар қаторида кўп даражали пиёдалар ўтиш жойларини қуриш, ёритиш тизимини яхшилаш, тротуарлар барпо этиш ва йирик шаҳарларнинг четлаб ўтувчи йўлларини тезроқ яратиш каби чоралар мавжуд.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
